کورپاڼه > پيداوار > پوستکالي > لېوال پوستکالي (ساپټوير)
تړاو کاپي کاپي شو
لېوال پوستکالي (ساپټوير)
له ١٣٦٧ز کال څخه راپديخوا "ستاسې ژبه کمپيوټري کوو" چيغې لاندې لېوال شرکت د مالوماتي او مخابراتي ټيکنالوژى اسانتياوې جوړې کړي چې سيستمونه، کمپيوټر، چليز سيستمونه او نامتو کمپيوټر پروګرامونه يې ددې جوګه کړي چې افغاني او سيميزې ژبې لکه پښتو، دري، پارسي، اردو، عربي، هندي او نورو ژبو لپاره کار وکړي، زموږ اسانتياوو د وکړو، ادارو او دولتونو په پرمختګ کې مرسته کړې.
تړاو کاپي کاپي شو
لېوال محاسب (ټم)
محاسب د اداره کولو، حسابدارۍ، لوژيستکي، کاروبار اسانه او بريالى کولو يو نوى عصرى ووريز يا کلوډ کمپيوټري پروګرام دى. محاسب د اداري کتابونو پاڼو ته ورته جوړښت جوړشوى، ټول سيسټم د ونې په څېر ښاخ پر خاښ کار کوي چې محاسبه، اداره او توکو مديريت د کتابچو په څير ساده او اسانه کوي. د سوداګرۍ او حکومتولۍ کې ادارې، مالي ،توکو مديريت او په ليکه خپرولو ننګونې له منځه وړي.
ګڼ ځايز، ګڼ پيسيز، ګڼ چاروال،ګڼ کمپنيز د وورو پر بنسټ او ځنځريزتړاو ( بلاکچين) سمبال، تسديو ادارې سيسټم پروګرام دى چې د کمپيوټر، ويب، ځيرکو ټلېفونو او نورو الو له لارې د کارولو وړ دى. کولاى شئ پمرسته يې خپل پورټل يا ويبځاى د خپل ډومين سره يا لېوال_پنل په مرسته ويبځاى جوړولو، ساتلو او اداره کولو او لاندې چارې ترسره کړئ:
خرڅلاو، تنخواوې، محاسبات، مديريت، ګمارنې، ويش، مالونه، موجودي، اداره، ګدام، پيداور، لوژستيک، تدارکات، دندې مديريت کول، توک مديريت کول ، برېښسوداګري او نور ډېر څه.
د هرې چارې يا کار د ترسره کولو د مديريت او څار لپاره ډشبورډ او کړنلارې. شپه او ورځ د سمبالولو او کارو لپاره پليکه مرستې او لارښوونې په هرې برخې د جوړونې يا صنعت، کاروبار او اداره کې د کارېدنې وړ. ستاسې د ځانګړي کار، جوړنې، کاروبار او ادارې کې د کارولو لپاره د لېوال محاسب ماډلونه ورګورئ، لېوال ژمن دى چې تاسې سره مرسته وکړي چې لېوال محاسب ستاسې د خوښې په کار، جوړونې، سوداګرۍ، کاروبار او اداره لپاره برابر کړي.

دولتي او خيريه ادارې کولاى شئ د محاسب اسانتياوې د تړون لمخې د لګښتونو يا عايداتو د ١٪ په اداکولو سره ترلاسه کړي. کاروبارونه ويبځاى کې اسانتياوې وګورئ يا اړيکه وکړئ.
لېوال اشياسافټ پښتو، دري، فارسي، اردو سيسټم د مايکروسافټ ويڼديو ٢٠٠٠، ايکس پي، ٧، ٨ او ١٠ لپاره
تړاو کاپي کاپي شو
لېوال اشياسافټ پښتو، دري، فارسي، اردو سيسټم د مايکروسافټ ويڼديو ٢٠٠٠، ايکس پي، ٧، ٨ او ١٠ لپاره
لېوال اشياسافټ پښتو، دري، فارسي، اردو سيسټم د مايکروسافټ وينډوز د هرې ژبې بياسمون سره کار کوي، دا سيسټم په پخوانيو چليزو سيسټمونو کې لکه مايکروسافټ ډاس، وينډوز ٩٥ کې ليکل شويو لاسوندونو راوړلو او اړولو وړتيا لري.

لېوال اشياسافټ پښتو، دري، فارسي او اردو سيسټم د وينډوز لپاره د ملاتړ سيسټم دى چې د مايکروسافټ وينډوز، افس او نور پروګرامونه لکه ورډ، ايکسل، اکسس، پاورپاونټ، اوټلوک او اوټلوک اکسپرس او داسې نور پښتو، دري، فارسي او اردو ژبو کارول جوګه کوي.

پروګرامر او د ځانګړو پروګرامونو جوړونکي کولاى شي د لېوال اشياسافټ سيسټم چې سي++ او ويژول بېسک کې کار کوي پښتو، دري، فارسي او اردو ژبو ته ځانګړي پروګرامونه جوړ کړي، او همدارنګه د مايکروسافټ افس لپاره ځانګړې اسانتياوې هم جوړولى شي.

نور وګورئ
ليکوال سيډي
تړاو کاپي کاپي شو
لېوال ليکوال (پښتو متن ننويستلو پروګرام)
لېوال ليکوال د کمپيوټري متن ځانکړى ليکاڼۍ پروګرام دى چې د کمپيوټر هغو پروګرامو کې په ځانګړې تګلاره او ليکبڼو يا پنټونو پښتو متن ننباسي چې په هغو کې پښتو نه ليکل کېږي. د ليکوال ځانګړنه داده چې هر هغه پروګرام چې رومي توري ليکلاى شي په هغه کې پښتو وردننه کولاى شئ. دغه پروګرام ډيزاين، خپرندويه ، رسنيو، ويډيو سموونکو او نورو ګراپيکي پروګرامو لپاره دى.

ليکوال پروګرام د ګراپيک پروګرامونو په ځانګړي ډول لکه پوټوشاپ، کورالډرا، ويډيويي سمون پروګرام پريمر، ټلويزيوني سرليکونو او بل هرډول پروګرام چې په هغه کې پښتو متن نشي ليکلاى، ليکوال اړوند پروګرام کې د پښتو متن ننويستلو لپاره کارکوي. پښتو سربېره دغه لېکوال دري، فارسي، اردو او نورې هغه ژبې چې په عربي ليکدود ليکل کېږي هم کارېږي.

دغه پروګرام په ١٣٧٥ز کال کې جوړ شوى، خرڅول او ملاتړ په ٢٠١٦ کال کې پاى ته رسيدلاى. د ځانګړو پروژو لپاره د ليکوال پروګرام د بيا چلند لپاره اړيکه وکړئ.
لېوال انډرايډ ملاتړ ١٫٣
تړاو کاپي کاپي شو
لېوال انډرايډ ملاتړ ١٫٣
لېوال انډرايډ ملاتړ ٫٠ ١ په ٢٠ غبرګولي ١٣٩٣ د انډرايډ سيسټم پکچه د پښتو او دري ليکلو وړتيا راويسته، چې په هېواد او نړيواله کچه په لسګونو زره مينوالو وړيا ښکته او د خپلو انډريوډ الو کې د پښتو ليکلو لپاره ورڅه ګټه پورته کوي.

د لېوال انډرايډ ملاتړ ۱.۱ کې پښتو کليميو خپلچارسمون چې د پښتو سم ليکلو کې مرسته کوي او په اسانه د انګرېزي کيبورډ ته اوړيدل ور ډېر شول. لېوال انډرايډ ملاتړ ۱.۲ کې د ليکمن پوستغالى ور زيات شو چې د ليکمن سمبالښت يې اسانه کړ او د پشه ايى ژبې توري ور ډېر شول.

د لېوال انډرايډ پښتو ملاتړ د انډرايډ لپاره له ګوګل پلې څخه وړيا ښکته کړئ.

بياسمون ۱.۳ تر کار لاندې دى چې په هغه کې به اموجي او نور ځانګړي توکي او د تڼيو غټېدل ور ور ډېر شي.

د يادونې وړ ده چې د افغانستان د مخابراتو او مالوماتي ټکنالوژۍ وزارت ادعا لري چې د افغانستان ٩٠٪ د ولسي او دولتي کمپينو د اسانتياوو د جي ايس ايم تر پوښښ لاندې دى.سره له دې چې دغه کمپينۍ ميليونونو مشتريانو څخه په ملياردونو ګټه ترلاسه کوي له دغو شرکتونو يوه هم دې ته پام ونکړ چې د بشپړې ګټې اخيستنې لپاره خپلو ګرځنده ټليفون کاروونکو لپاره د ملي ژبې ليکلو وړتيا او مخينه ور جوړه کړي. د ياودنې وړ ده هېواد کې ١٪ څخه کم وګړي انګرېزي ليکلى او لوستلى شي. د لېوال شرکت مشر ښاغلي نور رحمان لېوال دغه ملي اړتيا يوځل بيا پوره او د لېوال انډرايډ پښتو ملاتړ يې جوړ کړ.
لېوال اي اواس ملاتړ ١.١
تړاو کاپي کاپي شو
لېوال اي اواس ملاتړ ١.١
د لېوال اى او اس ملاتړ ١٠ په ١٣٩١ کال کې راوايستل شو، لومړنى پوستغالى يا اپ وو چې پښتو ليکل ېې په اى او اس کې شوني کړل، بياسمون ١٫٠ پوستغالي کې پښتو ليکل کېده او د اړتيا سره سمه د اى او اس نورو برخو کې اچول کېده چې د لېوال اشياسافټ معياري ليکمن پر بنسټ جوړ وو. بياسمون ١٫١ د اى او اس ټول سيستم کې پښتو ليکل شوني کړل.

پښتو اى او اس کارونکي ډېر لږ وو ځکه پوستغالي د اى او اس د هټۍ غړيتوبونډې لګښت نه راويستلو له امله په ١٣٩٥ز کال کې بند شو
لېوال لينکس ملاتړ ١.٠
تړاو کاپي کاپي شو
لېوال لينکس ملاتړ ١.٠
لينکس پرانستى-کوډ او د لينکس کرنل پربنسټ چليز سيستم دى چې په ١٣٧٠ز کال کې راوايستل شو. لينکس د ويشونکو کڅوړو لکه يوبنټو، پيډور، کوبنټو، سنټواس او ډېرو نورو سره ويشل کېږي.

لېوال ليکنس ملاتړ ١٫٠ د پښتو او دري ژبې ليکبڼې او لينکس کې د پښتو ليکلو وړتيا درکوي چې د ايکس وينډوز سيسټم يا GUI کاروي، همدارنګه د ماى ايس کيو ايل يا ماريا ډي بي ډيټابېسونو لپاره د پښتو او دري په سمه توګه اوډون يا سورټ کولو وړتيا درکوي. که تاسو ته په خپله اداره کې د لينکس يا يونکس سيسټم لپاره پښتو او دري ملاتړ پکار وي نو له موږ سره اړيکه ونيسئ.
لېوال اسياټايپ ليکبڼو نومونه او بېلګې
تړاو کاپي کاپي شو
لېوال اسياټايپ ليکبڼې بياسمون ٢
د خيرخواهۍ، مالوماتو رسونې، په ټولنه کې د ډيجيټلي بېلوالي لرې کولو او ټولنې ته په لويه کچه خير رسولو په موخه د لېوال شرکت مشر ښاغلي نور رحمان لېوال د اشياټايپ تر سوداګريزې نوم لاندې په ١٩٨٩ کې ليکبڼې جوړلو پيل کړل. لومړنۍ جوړې شوې اشياټايپ سي جي اى او ټروټايپ ليکبڼې د لېوال ملاتړ سيسټم د ورډپرپکټ ٥.١ سره يوځاى وړاندې شوې. او بيا همدا ليکبڼې د لېوال سيسټم د وينډوز ٩٥، ٩٨، ميلينيم ته واوړېدلې او بشپړ يونيکوډ پربنسټ ليکبڼې د لېوال سيسټم د ويڼدوز ٢٠٠٠، ايکس پي، ٧، ٨ او ١٠ سره وړاندې شوې.
د لېوال ليکبڼې د پښتو، دري، فارسي، اردو، عربي او نورې عربي ليکدود لرونکو ژبو ملاتړ سيسټم لري. د لېوال ليکبڼو نومونه د پښتنو سيمه کې د ځايونو نومونو پورې تړلي .

٢٦ کلن د لېوال پښتو کروړ اسياتايپ د پښتو ترټولو نامتو او ډېر کاريدونکې ليکبڼه ده چې له نښکو تر کاروباري نښو، چاپ، رسنيو، حکومت او پليکه چاررو کې هرچېرې کارېږي.


د لېوال ليکبنو نومونه:


پښتو ارين اسياټايپ پښتو اباسين اسياټاي

پپښتو بابا اسياټايپ پښتو باختر اسياټايپ پښتو بولان اسياټايپ پښتو جيهون اسياټايپ
پښتو جيهون ګل اسياټايپ
پښتو خيبر اسياټايپ پښتو کروړ اسياټايپ پښتو ميوند اسياټايپ پښتو نسخ اسياټايپ پښتو پکتين اسياټايپ پښتو پکين ارجل اسياټايپ پښتو پکتين حوضي اسياټايپ پښتو پکتين پراخ اسياټايپ پښتو پامير اسياټايپ پښتو روښان بابا اسياټايپ پښتو شينډنډ اسياټايپ پښتو سپين غر اسياټايپ پښتو تورغر اسياټايپ پښتو واخان اسياټايپ پښتو ورځپاڼه اسياټايپ

نور وګورئ
لېوال اسياسافټ پښتو، دري، فارسي او اردو سيسټم د وينډوز ٩٥، ٩٨ او ميلينيم لپاره
تړاو کاپي کاپي شو
لېوال اسياسافټ پښتو، دري، فارسي او اردو سيسټم د وينډوز ٩٥، ٩٨ او ميلينيم لپاره
لېوال اشياسافټ پښتو، دري، فارسي او اردو سيسټم د وينډوز ٩٥ لپاره چې ٥ وري ١٣٧٧ کې بازار ته وړاندې شو. د لېوال پښتو، دري، فارسي او اردو ملاتړ سيسټم د ډاس پر بنسټ وينډوز او وينډوز-١٢٥٦ کوډ پېچ لپاره د پښتو ليکلو ځانګړتيا او ډېرې ځانګړې لېوال اشياټايپ ليکبڼې وړاندې کړې، دغه ملاتړ د عربي وينډوز ٩٥ سره کار کاوه.

وينډوز ٩٥ د مايکروسافټ شرکت لپاره يو سوداګريزه بريا وه او همدارنګه د لېوال شرکت لپاره هم. وينډوز ٩٥ په ټوله نړۍ کې د د ميزي کمپيوټرونو برخه وګرځېدله. وينډوز ٩٥ پسې وينډوز ٩٨، او ميلينيم بياسمون راغلل ، د دوى لپاره د لېوال پښتو، دري، فارسي او اردو ملاتړ پرلپسې جوړ شو.

د پښتو او اردو هغو ليکنو د اړولو لپاره چې په لېوال ملاتړ د وينډوز ٩٥ کې د ځانګړو تورو په مرسته ليکل شوې وې اړونکى د لېوال پښتو، دري، فارسي او اردو سيسټم د وينډوز ٢٠٠٠، ايکس پي، ٧، ٨ او ١٠ جوړ او د سيستم برخه دى.

دا د افغانستان د کمپيوټري چارو لپاره ترټولو ستره لاسته راوړنه او وياړ وو، چې دا ځل د کمپيوټر چليز سيستم ( اوپرټينګ سيستم) داسې چمتو شو چې په هره برخه کې يې د هېواد اړتياوې پوره کولې. په نړيواله کچه ډېرو ملتود خپلو حکومتونو، پوهنتونو او څېړنيزو مرکزنو په مرسته هلېځلې کولې چې د کمپيوټر چليز سيستم داسې بياسمون يا نسخه ولري چې ددوى د ژبو اړوند کمپيوټرې اړتياورې پوره کړي. ښاغلى نور رحمان لېوال چې پښتونخوا کې د مهاجر په ډول د رسمي کاروبار اجازه نه درلوده او نه يې له يې له کومې ادارې ملاتړ درلود، د وينډوز ٩٥ چليز سيستم د پښتو، دري او اردو ژبو د اړتياوو پوره کولو لپاره په لومړي ځل تر هرچا وړاندې رامنځته کړ په ګډون د ايران، پاکستان او د سيمې نورو هېواد چې نه و توانيدلې.
د وينډوز چليز سيستم چمتو کولو سره د کمپيوټر ډېر بنسټيز، شمېريز، ليکنيز، وړانيز، خپريز، بريښناليک، پروګرامونه جوړل او ډېرو نورو برخو پروګرامونه د پښتو، دري او اردو ژبو ليکلو جوګه کړل.
نور وګورئ
ښاغلى نور رحمان لېوال، د پښتو ژبې لومړنۍ پروګرام پښتوملاتړ د ورډپرپيکټ  ٥٫١ لپاره پرانستې غونډه کې د وينا په حال کې
تړاو کاپي کاپي شو
لېوال اسياسافټ پښتوملاتړ د ورډپرپيکټ بياسمون ٥٫١ لپاره
د لېوال اسياسافټ پښتوملاتړ په ١٣٧٢(١٩٩٤) کې د ورډپرپيکټ بياسمون ٥٫١ لپاره جوړ شو چې د هغه وخت ترټولو غوره ليکنيز يا ورډپروسيسنګ پروګرام ورډپرپيکټ ٥٫١ بياسمون يې ددې جوګه کړ چې پښتو توري ټايپ کړي، په ښودان يا مانيټور يې وښيي او په هره کچه چاپول يې شوني کړي. دغه پروګرام د پښتو ليکنو لپاره په ځايي او نړيواله کچه کاريده.

د اشياټايپ نوم سودګريزي نښې لاندې په لومړي ځل لېوال ٨ پښتو ټروټايپ ليکبڼې يا پنټونه پروګرام کړل چې په هره کچه د متن چاپلو سره يې د پښتو او دري ژبو لپاره په لومړي ځل انقلابي پرمختګ په افغانستان، پښتونخوا او نړيوال کچه منځ ته راوړ.
په هغه وخت کې به د لاسي ختاتي (خطاطي) په مرسته لسګونه پښتو کتابونه په ډېر کړاو چاپېدل، خو د مهاجرت په وخت کې له ډېرو کمو امکانانو سره لېوال وتوانېده کمپيوټر ددې جوګه ګړې چې پښتو وليکي. د لېوال پښتو کمپيوټري پروګرامونو رامنځه ته کړي چې خپرندويه ټولنې ددې جوګه کړې چې دغه شمېر زرګونو کتابونو ته ورسوي. د دانش خپرندويه ټولنې مشر اسد الله دانش وايي د لېوال پروګرامونو په مرسته " څو کاله مو د ورځې يو کتاب چاپ کړى په هغه کې دولس سوه مخه کتابونه هم شامل ول".
همدارنګه دغه پروګرام د افغاني ټولې هره برخه کې مرسته وکړه په ګډون د حکومتولۍ، زدکړو او کاروبار کې يې ستر پرمختګونه رامنځته کړل. ددغه لېوال اسياسافټ پښتوملاتړ د ورډپرپيکټ بياسمون ٥٫١ لپاره ژوند په ١٣٧٨کال کې پاى ته ورسيد. که تاسې په دغه پروګرام کې ليکنه لرئ د اړولو لپاره يې کولاى شئ موږ سره اړيکه وکړئ.
نور وګورئ
کاپيحق © ١٩٩٢-٢٠٢٠ لېوال لمېټډ. ټول حقوق خوندې دي. د نورو ټولو کمپنيو او/يا د هغو د پيداوار نومونه د هغوى خپل ټرېډمارک يا د هغو د څېښتنو ټرېډمارک دي.
محاسب کې جوړ شوى